Առաջադրանքների փաթեթ 08-12 նոյեմբերի
08 նոյեմբերի
Երկուշաբթի
Հայոց լեզու 4 աշխատանքային փաթեթից կատարել 35-րդ էջի առաջադրանքները։
Արտահայտիր մեկ բառով
ցերտերն ընկնել – ցրտել
ջարդ ու փշուր անել – կոտրատել
չափից դուրս – չափազանց
սիրտը վախ ընկնել – վախենալ
ճանապարհ ընկնել – ուղևորվել
վնաս չունի – անվնաս
ձայն-ծպտուն չհանել – լռել
կարոտը քաշել – կարոտել
Պատմությունն ընդարձակիր՝ նախադասություններն ընդարձակելով և նոր նախադասություններ ավելացնելով:
Մի որսորդ առյուծի հետք էր փնտրում անտառում: Նա իրեն հանդիպած փայտահատին հարցրեց, թե չի՞ տեսել առյուծի հետքը կամ որջը: Փայտահատը պատասխանեց.
- Ես քեզ հենց իրեն՝ առյուծին ցույց կտամ:
Որսորդը վախից գունատվեց և ատամները չխչխկացնելով շշնջաց.
- Չէ՜, ինձ միայն հետքն է պետք, ոչ թե առյուծը: Ես ուսումնասիրում եմ առյուծների հետքերը:
- Այսինքն, դու ոչ թե որսորդ ես, այլ գիտնակա՞ն,-հարցերց փայտահատը:
- Ոչ, ես իսկական որսորդ եմ, պարզապես ինձ հետաքրքրում են առյուծների թողած հետքերը և նրանց որջերը,- պատասխանեց որսորդը:
Այդ պահին լսվեց առյուծի մռնչոցը: Որսորդը վախից փախուստի դիմեց, իսկ փայտահատը ծիծաղում էր նրա հետևից:
09 նոյեմբերի
Երեքշաբթի
Կատարել <<Նուկիմ քաղաքի խելոքները>> հեքիաթի տեքստային առաջադրանքները։
Ստեղծագործական աշխատանք
Իսկ հետո ի՞նչ եղավ․․․
Նուկիմ քաղաքի պատգամավորները վերադարձան իրենց քաղաք և քանի որ իրենք իսկապես հավատացել էին թագավորի խոսքին, սկսեցին մյուսներին էլ հավատացնել, որ արդեն շոգ ամառ է, չնայած որ դեռ ցուրտ ձմեռ էր:
Փորձի՛ր հեքիաթի համար նոր ավարտ հորինել։
Առաջադրանքներ
- Բացատրի՛ր ընդգծված արտահայտությունները։
ափ է առնում – բախել դուռը մի բան խնդրելու նպատակով
խորհրդի են նստում – համատեղ քննարկել որևէ բան
Վար է բերում – իջեցնում է
գլուխ են տալիս – խոնարհվում են
վրա են պրծնում – հարձակվում են
- Տեքստից դո՛ւրս գրիր բարդ բառեր։
Խանութպան, տաքդեղ, թագավորանիստ, դռապան, գանձապահ:
- Բնութագրի՛ր Նուկիմ քաղաքի բնակիչներին։
Նուկիմ քաղաքի բնակիչները անխելք են և միամիտ:
- Հեքիաթից դո՛ւրս գրիր նուկիմցիներին բնորոշող հատվածները։
Էս քաղաքում էլ ապրել չի լինի, սառանք, ախպեր, սառանք: Ելեք պատգամ գնացեք թագավորի մոտ, գնացեք, թագավորին ասեք, թե որ երկու ամառ, մեկ ձմեռ չանի՝ մենք էս քաղաքում է՜լ մնացողը չենք:
Նիզակը տնկում են գետնի մեջ, քսակով ոսկին ամրացնում նիզակին, իրենք պառկում են շուրջը, միամիտ քնում: Գողը ինչպե՞ս կարող է բարձրանալ վերև, նիզակի ծայրից կախված քսակը առնել, իսկի խելքի մոտ բա՞ն է:
- Բնութագրի՛ր թագավորին։
Թագավորը խելացի և իմաստուն էր:
- Դո՛ւրս գրիր թագավորին բնորոշող հատվածը։
Թագավորը մտածում է` սրանք նպատակո՞վ են ոսկու տեղ խիճ ու ավազ բերել, թե՞ միամիտ սրտով: Փորձելու համար հրամայում է` նրանց առաջ մի մատուցարան սև սալոր դնեն` սև բոլոճների հետ խառը:
- Մանրամասն նկարագրի՛ր Նուկիմ քաղաքը։ Ինչպիսի՞ն կլինի նրանց շուկան, դպրոցը, տները, փողոցները։ Շուկայում ինչե՞ր են վաճառում և այլն․․․
Նուկիմ քաղաքում դպրոցներ չկան: Եթե լինեին դպրոցներ, ապա նրանք այդքան անխելք չէին լինի: Նուկիմ քաղաքի բնակիչները ապրում են ծղոտե տներում, դրա համար էլ ձմռանը շատ էին մրսում, սակայն նրանք չէին կարող կառուցել քարե տաք տներ, քանի որ խելացի չէին: Նրանց շուկաներում վաճառում էին տարբեր միջատներ և նրանք սնվում էին այդ միջատներով: Նրանք չգիտեին թե ինչպես կարելի է ծառ տնկել, բերք ստանալ, հող մշակել…
- Խորհո՛ւրդ տուր նուկիմցիներին։
Ես խորհուրդ կտամ նուկիմցիներին իրենց քաղաքում կառուցել դպրոցներ կամ հաճախել այլ քաղաքի դպրոցներ, սովորել և կրթվել և միայն այդ ժամանակ նրանք կկարողանան հասկանալ, որ տարվա եղանակների փոփոխությունը կախվախ չէ թագավորի կամքից և շատ ուրիշ բաներ: Միայն կրթվելով նրանք կկարողանան ճիշտ դասավորել իրենց կյանքը:
- Ի՞նչ է սովորեցնում այս հեքիաթը։
Հեքիաթը սովորեցնում է մեզ, որ կյանքում ամենակարևորը մարդու խելքն է և կրթվածությունը:
- Հեքիաթը ինչպե՞ս կվերնագրես։
ՙՆուկիմ քաղաքի անխելքները՚:
10 նոյեմբերի
չորեքշաբթի
Դարձվածքների բառարանից օգտվելով բացատրի՛ր տրված դարձվածքները։
Հոնքերը կիտել- տխրությունից մռայլվել
թև տալ-խրախուսել
Զգալ ինչպես ձուկը ջրում-չնեղվել, լինել ազատ
գլխին սառը ջուր լցնել-որևէ մեկին հիասթափեցնել, հուսախաբ անել
փեշի քարերը թափել-զիջել, համառությանը վերջ տալ
Եթե բառերը ճիշտ առանձնացնես, շուտասելուկը կկարդա՛ս։
Սաասինականինաասիսականի:
Սա ասի, նա կանի: Նա ասի սա կանի:
Բառակապակցությունները ճի՛շտ դասավորիր և կարդա՛ թաքնված ժողովրդական առածը։
Խնձոր պոկելիս, միտքդ բեր, ամեն անգամ, ծառ տնկողին։
Ամեն անգամ խնձոր պոկելիս, ծառ տնկողին միտքդ բեր:
Կարդա՛ և գուշակի՛ր հանելուկի պատասխանը։
Հսկայական փռում թխած
Մի գաթա կա սիրուն, գլոր,
Թխողն ինչքան ծայրից պոկում,
Նորից է նա դառնում կլոր: Լուսինը
Հոմանիշների բառարանից օգտվելով գտի՛ր տրված բառերի հոմանիշները։
Շտապ-անմիջապես, իսկույն, շուտափույտ, անհապաղ
գողտրիկ-դուրեկան, քնքուշ, գեղեցիկ
առատ-լի, լիքը, շատ
ջինջ-մաքուր, վճիտ, զուլալ, պարզ
աննման-չքնաղ, սքանչելի, անհամեմատելի
պերճ-շքեղ, ճոխ
Տրված բառերի դիմաց ինչպիսի՞ հարցին պատասխանող բառեր գրիր և բառակապակցություններ ստացիր։
ճանապարհ-երկար ճանապարհ, կարճ ճանապարհ, դժվար ճանապարհ, խորդուբորդ ճանապարհ
պարտեզ-ծառաշատ պարտեզ, ծաղկառատ պարտեզ, մեծ պարտեզ, մանկական պարտեզ
աքլոր-կարմրակատար աքլոր, գույնզգույն աքլոր, անհաղթ աքլոր, ձայնավոր աքլոր
ջուր-մաքուր ջուր, աղտոտված ջուր, սառը ջուր, տաք ջուր, զուլալ ջուր, խմելու ջուր, հեղուկ ջուր
գետ-երկար գետ, խորը գետ, վարարող գետ, հոսող գետ, լեռնային գետ
աշուն-ոսկեզօծ աշուն, անձրևոտ աշուն, գունագեղ աշուն, տերևաշատ, խոր աշուն
եղանակ-տարվա եղանակ, ցուրտ եղանակ, տաք եղանակ, մռայլ եղանակ, հաճելի եղանակ
Գտի՛ր և առանձնացրո՛ւ բառերում թաքնված արմատները։
Գեղեցկատես-գեղեցիկ, տեսք
գունապնակ-գույն, պնակ
մտասույզ-միտք, սուզվել
մրգահյութ-միրգ, հյութ
ժպտերես-ժպիտ, երես
փշածածկ-փուշ, ծածկ
Տրված արմատները միացնելով բարդ բառեր կազմի՛ր։
վարդ+ գույն=վարդագույն
ժպիտ դեմք=ժպտադեմ
քաղցր + համ=քաղցրահամ
կես + օր=կեսօր
մեծ+հասակ=մեծահասակ
բարձր +ձայն=բարձրաձայն