17/05/2023 — Դավիթ Մովսիսյանի Ուսումնական Բլոգ

Լրացուցիչ աշխատանք

Առաջադրանքներ

1. Լեզվի մասին առածներ գտի՛ր:

Թրի կտրածը կլավանա, լեզվի կտրածը չի լավանա:

Ինչքան լեզու գիտես, էնքան մարդ ես:

Քաղցր լեզուն օձը բնից կհանի:

Աշխարը շինողն ու խանդողը լեզուն է։

Թուրը մի մարդ սպանեց, լեզուն՝ մի բանակ։

Անուշ լեզուն մեղրից քաղցր է:

Լեզվիդ չափ ու չվան դի՛ր:

չվան — թելից կամ մազից հյուսված գոտի

2. Մեկնաբանի՛ր հետևյալ դարձվածքները:

լեզուն իրեն քաշել — զուսպ խոսել, արտահայտությունների մեջ չափավոր լինել,

լեզվի կապերն արձակել — խոսելու ազատություն՝ կարողություն ստանալ,

լեզուն երկարացնել — խոսելու չափ ու սահմանից դուրս գալ,

լեզուն շաղ տալ — անվայել խոսքեր ասել,

լեզուն յոթ կողպեքի տակ պահել — ոչինչ չասել, չխոսել, ձայն չհանել

3. Ընտրի՛ր դարձվածքների հոմանիշ զույգերը և առանձնացրու:

լեզվի կապերն արձակել = լեզուն երկարացնել = լեզուն շաղ տալ

լեզուն իրեն քաշել = լեզուն յոթ կողպեքի տակ պահել

Categories: ՄայրենիLeave a comment

Տեքստային աշխատանք առակի շուրջ

Դավիթ Մովսիսյան 17/05/2023

Կամքի ուժը

Երկրում կար շատ բարձր և անմատչելի մի լեռ: Մարդիկ կամեցան բնակություն հաստատել նրա վրա, որովհետև լի էր նա ամենայն բարիքով: Սակայն շատ էր դժվարին նրա վրա բարձրանալը, թեպետև ուներ բազում ճանապարհներ: Նրանք, ովքեր բարձրանալու ժամանակ կանգ առան հանգստանալու, սայթաքեցին և ցած գլորվելով հասան մինչև հատակը, իսկ ովքեր չուզեցին դադար առնել, այլ գավազանի օգնությամբ աշխատեցին շարունակել վերելքը, բարձրացան լեռան վրա և հանգիստ կյանք վայելեցին: Այսպես թուլակազմ անարիները մնում են կես ճանապարհին ու կորչում, իսկ հաստատակամները, համբերությունն իրենց նեցուկ ունենալով վեր են բարձրանում ու հասնում նպատակին:

Ընդգծված բառերում տառեր են բաց թողնված: Լարցո’ւ:
Վերնագրի’ր առակը:
Ո՞ր նախադասության մեջ է ամփոփված առակի գաղափարը: Այսպես թուլակազմ անարիները մնում են կես ճանապարհին ու կորչում, իսկ հաստատակամները, համբերությունն իրենց նեցուկ ունենալով վեր են բարձրանում ու հասնում նպատակին:
Առակը քեզ ի՞նչ սովորեցրեց: Նպատակին հասնելու համար պետք է կամքի ուժ ունենալ, առաջ գնալ, երբեք չհանձնվել և ամեն ինչ կյանքում կհաջողվի։
Առակի ասելիքը խորհուրդի ձևով ձևակերպի’ր: Խորհուրդ եմ տալիս միշտ ունենալ կամքի ուժ, համբերություն և լինել նպատակասլաց։ Ինչքան էլ, որ դժվարություններ հանդիպեն ճանապարհին, չհանձնվել և միշտ առաջ գնալ։
Այս գաղափարը հաստատող ասացվածքներ գտի’ր:

Ցանկացած գործում կամքի ուժը հաջողության գրավական է։

Եթե կա ամուր կամք, լեռներն էլ կարելի է դաշտի վերածել։